القائمة الرئيسية

الصفحات

الانجليزية للنقل الجماعى اكبر و اسوأ شركات النقل جماعي

الانجليزية للنقل الجماعى اكبر و اسوأ شركات النقل جماعي


الانجليزية للنقل الجماعى اكبر و اسوأ شركات النقل جماعي

تحتل الشركة الانجليزية للنقل الجماعى و الشركات التابعة لها الفاطمية للنقل والمواصلات و ارم للنقل الجماعى و الإسراء للنقل والمواصلات النقل الجماعى و تقوم بتقديم اسوأ خدمة ممكنه للراكب


 





عدم الالتزام بخط السير

عدم التزام الكثير من الخطوط التابعة للشركة الأنجليزية و الشركات التابعة لها بخط السير مثل ان السائق مبيمشيش فى الخط بتاعو او انو ميكملش الخط بتاعو 
و المهم عند الشركة القيراط لكن مش مهم خدمة الراكب و الاتزام بخط السير

















سائقين بلطجية 

الكثير من السائقين غير محترمين و ده المطلوب من الشركة 

و طبعا السائق ملوش خط سير المهم القيراط 
و السائق ملوش معاد يوصل فيه لانو ملوش خط سير يعنى ممكن يقف على المحطة اكثر من 10 دقائق 

و إيضا ممكن يقف فى نصف الطريق او يقف فى مكان مش خط سيرة ولا موقف و الذى يترتب عليه إعاقة حركة المرور

و ممكن السواق يجرى فى الطريق بسرعة عالية جدا على شان يتسابق مع خط منافس و ده المطلوب من الشركة على شان يحقق قيراط و يترتب على ذلك اصابات و اتلاف اى شيئ بالطريق




























اعاقة حركة المرور بالتبة و عدم الوقوف بالموقف ده بالنسبة ل خطوط التبة اما خطوط التى التبة ليست خط السير مخالفة لخط السير و اعاقة حركة المرور زى مينى باص 1 


و مينى باص 10 مش مكمل خط السير و واقف فى التبة 






فيديو مصور من احد سكان مدينة نصر يظهر فيه مينى باص 1 متواجد فى التبة و اعاقة حركة المرور







كما موضح بالفديو السابق السائق بيجرى بسرعة عالية جدا و لما الركاب تتكلم رد السائق انا بجرى مع زميلى و فعلا بقت حاجة طبيعية السواق يجرى مع زميلو فى الشركة الانجليزية و يقول المصور انو صور الفديو فى المرة الثالثة  من ان السواق بيجرى بسرعة عالية و بيقول ان الباص كان على آخره وكنا هنعمل حادثة مرتين و السائق بيقل أدبه ويشتم اللي يعارض او يتكلم .

عدم وجود نظافة للسيارات 

على شان الشركة مبتهمش بالراكب الى معاها لا يوجد نظافة للسيارات للتوفير للشركة

محاربة الشركة ل هيئة النقل العام

الشركة بتحارب كل الشركات و هيئة النقل العام و عايزة تحتل المجال عن طريق انها بتنزل خطوط منافسة للشركات و هيئة النقل العام زى خط 

Q2 و ده بينافس خط 775 التابع لشركة الفهد للنقل الجماعى و شركة الفهد لا تعمل سوى على هذا الخط و هى شركة جديده بالنقل الجماعى و اخر محطة فى خط 775 هى اخر محطة فى خط Q2 ب 5 جنية

خط 810 و ده بينافس خط 800 التابع لشركة الاستاذ للنقل الجماعى و شركة الاستاذ افضل من الشركة الانجليزية و بدأت بعدد عربيات قليل على اول خط لها 800 و استمرت على الخط حتى لو كان فى خسائر للشركة و بعد فترة من تشغيل شركة الاستاذ لخط 800 قامت الشركة الإسراء للنقل والمواصلات التابعة للشركة الأنجليزية بتشغيل خط 810 و الذى هو نفس مسار خط 800 ولا يوجد اى محطة مختلفة عن خط 800 و خط 810 غير ملتزم بخط السير و بيلف من الاماكن التى بها ركاب اكثر يعنى مش مهم يكمل المسار لحد النهاية و ترتب على ذلك قله القيراط لخط 800 و قله العربيات التى تعمل على خط 800 و بالرغم ان شركة الاستاذ تهتم عن الشركة الأنجليزية من راحة للراكب مثل نظافة السيارات و التزام بخط السير و تجديد الكراسى بالرغم ان السيارات حديثه لكن يتم تجديد الكراسى لتكون مريحة للراكب

صورة من داخل احدى الباصات بخط 800  




و الكثير جدا من خطوط الشركة بتنافس خطوط اخرى 

و حتى بعد ما بتحتل الخط بتقوم بتقديم خدمة اسوأ ما يمكن للراكب مثل احتلال خط اتوبيس 1033 و الذى كان تابع ل هيئة النقل العام عن طريق نزول الخط المنافس مينى باص 10 و مخالفة مينى باص 1 و (مكتوب على اليفطة بوابات و ليس التبة) خط السير و عامل التبة موقف له لحد الان و بالرغم ان خط 1033 كان من افضل الخطوط و اوائل الخطوط الذى يعمل عليها عربات بالغاز الطبيعي و مدة التقاطر 15 دقيقة او اقل و سعر التذكرة كان 5 جنية و تم الغاء الخط بسبب قلة القيراط 

صور من تنافس خط 10 مع اتوبيس هيئة النقل العام 1033 قبل الالغاء







و خط مينى باص Q1 و ده كان بينافس اتوبيس هيئة النقل العام 1032 و مينى باص Q1 اول ما نزل كان سعر التذكرة 4 جنية و بعد ما احتل الخط سعر التذكرة بقا 5 جنية و حاليا سعر التذكرة 7 جنية و يقول انه مكيف لكن شكاوى من سكان العبور ان لا يوجد تكيف و رد السائق التكيف عطلان و إيضا مكتوب فى التذكرة محافظة الدقهلية 













و دى بعض الاراء فى الشركة الأنجليزية 















و إيضا شكاوى بمحافظة الغربية




شكاوى بمحافظة الدقهلية






رد الشركة 

غالبا بعدم الرد و فى حالة الرد كما موضح بالصورة





صور بعض الحوادث بسبب السرعة العالية 












و نرجو من جميع الجهات المسئولة محاسبة الشركة الانجليزية للنقل الجماعى و الشركات التابعة لها 

#محاسبة_الشركة_الانجليزية_للنقل_الجماعى

تعليقات

3 تعليقات
إرسال تعليق
  1. خط ٨١٠ ده فاشل جدا وخط ٨٠٠ ماشاء الله ناجح وممتاز لان دايما بشوفه في مصطفى النحاس وعباس العقاد حتي بعد ما طلع ال٨١٠ ده لكن ٨١٠ بشوفه ١/١٠ المرات الي بشوف فيها ٨٠٠ فان شاءالله ال٨٠٠ مستمر وال٨١٠ في طريقه انه يتلغي او يتم تغيير خط سيره معتقدش الشركة دي هتزود العربيات عليه

    ردحذف
    الردود
    1. يارب خط ٨٠٠ هو الى يستمر


      و للعلم خط ٨١٠ كتير لكن هو على شان الشركة بتهتم بالقيراط و مش مهم معاها حاجة الخط مش ملتزم بخط السير و بيلف زى ما مذكور فى الالتزام بخط السير

      حذف
  2. يبقي ال٨٠٠ ان شاءالله هيستمر لانه ملتزم بخط السير لكن ال٨١٠ مش هيتشاف كتير في المناطق الي المفروض يروحها فعلشان كده ربنا بردو هيكرم بتوع ٨٠٠ دول وهيرزقوا

    ردحذف

إرسال تعليق